ცხელი ხაზი

1481

ახალი ამბები

ახალი ამბები

საქართველოს სახალხო დამცველმა ავღანეთში მისიაში მყოფი ქართველი სამხედრო მოსამსახურეები მოინახულა

სექტემბერი 29, 2017

2017 წლის 27–28 სექტემბერს საქართველოს სახალხო დამცველმა უჩა ნანუაშვილმა, სახალხო დამცველის პირველმა მოადგილემ ნათია კაციტაძემ და სახალხო დამცველის აპარატის თავდაცვის სფეროში ადამიანის უფლებათა დაცვის დეპარტამენტის უფროსმა თამარ გაბიანმა ავღანეთში, „მტკიცე მხარდაჭერის“ მისიაში წარგზავნილი ქართველი სამხედრო მოსამსახურეები მოინახულეს.

სახალხო დამცველი ქართველ სამხედრო მოსამსახურეებს ჰამიდ კარზაის საერთაშორისო აეროპორტის ბაზაზე, ბაგრამის საჰაერო ბაზაზე და ქაბულში, „მტკიცე მხარდაჭერის“ შტაბში შეხვდა და მათი საცხოვრებელი და სამუშაო პირობები დაათვალიერა. შეხვედრისას გამოიკვეთა რიგი საკითხები, რომელსაც სახალხო დამცველი ინფორმაციის სახით მიაწვდის შესაბამის სახელმწიფო უწყებებს.

ვიზიტის ფარგლებში შეხვედრები გაიმართა ბაგრამის ავიაბაზის მეთაურთან ლეოპოლდო ქვინტასთან, ავღანეთში ნატოს სამოქალაქო წარმომადგენლობის დირექტორთან კრისტიან ბოცვეინთან და ავღანეთის ადამიანის უფლებათა დამოუკიდებელი კომისიის აღმასრულებელ დირექტორთან მუჰამედ მუსა მაჰმუდთან. ისაუბრეს ავღანეთში მყოფი სამხედროების უფლებების და საჩივართა განხილვის არსებულ მექანიზმებზე, გაეცნენ სამხედრო მოსამსახურეთა საქმიანობას და ავღანეთის ადამიანის უფლებათა დამოუკიდებელი კომისიის  საქმიანობისა და გამოცდილებას.

საქართველოს სახალხო დამცველი მადლობას უხდის საქართველოს თავდაცვის სამინისტროს და ავღანეთში მისიაში მყოფ ქართველ სამხედრო მოსამსახურეებს ვიზიტის ორგანიზებისა და თანამშრომლობისათვის.

საქართველოს სახალხო დამცველის ოფისი ერთ–ერთი პირველია მსოფლიო ადამიანის დამცველ ინსტიტუტებს შორის, რომელმაც სამშვიდობო მისიებში წარგზავნილი სამხედროები მოინახულა, მონიტორინგის მიზნით.

28.09.17

 


gender

bavshvisufkebebi

tolerantoba

bulletin