პრევენციის ეროვნული მექანიზმის გაძლიერება
08 07 2010
2010 წლის 29 ივნისი – 2 ივლისს თბილისში, ევროპის საბჭოსა და ევროკომისიის ერთობლივი პროგრამის „წამების საწინააღმდეგო ეროვნული პრევენციული მექანიზმის აქტიური ქსელის ჩამოყალიბება, თანამოაზრეთა ქსელის საქმიანობა” ფარგლებში გაიმართა მე–2 შეხვედრა საქართველოს პრევენციის ეროვნული მექანიზმის წევრებსა და გაეროს წამების საწინააღმდეგო ქვეკომიტეტის (SPT), ევროპის წამების საწინააღმდეგო კომიტეტის (CPT), აგრეთვე წამების საწინააღმდეგო ასოციაციის (APT) ექსპერტებს შორის.
შეხვედრის მიზანი იყო პროფესიული ცოდნისა და გამოცდილების გაზიარება მონაწილეთა შორის, რათა ადგილობრივ დონეზე გაძლიერდეს წამების პრევენცია და წამების პრევენციის ეროვნული მექანიზმი. ევროსაბჭოსა და ევროკომიის პროგრამის ძირითადი მიმართულებებია: პრევენციის ეროვნულ მექანიზმებს შორის აქტიური თანამშრომლობის ხელშეწყობა, CPT-სა და SPT-ს სამუშაო მეთოდიკისა და სტანდარტების გაცნობა, CPT-სა და SPT-ს ექსპერტებს შორის მჭიდრო თანამშრომლობის ხელშეწყობა.
ღონისძიებაში მონაწილეობდნენ საქართველოს სახალხო დამცველი გიორგი ტუღუში, სახალხო დამცველის მოადგილე ტატა ხუნწარია, სახალხო დამცველის პრევენციისა და მონიტორინგის დეპარტამენტის თანამშრომლები, ევროპის საბჭოს სამართლებრივი მხარდაჭერისა და ადამიანის უფლებათა სფეროში თანამშრომლობის განყოფილების თავმჯდომარე მარკუს იეგერი, პროექტის მრჩეველი, CPT-სა და SPT-ს ყოფილი პრეზიდენტი სილვია კასალე, CPT-ს, SPT-ს და APT–ს როგორც ყოფილი, ასევე მოქმედი წევრები, არასამთავრობო ორგანიზაციების წარმომადგენლები და ადგილობრივი ექსპერტები.
მონაწილეებმა ერთმანეთს გაუზიარეს მონიტორინგის საკუთარი მეთოდოლოგია და სამუშაო გამოცდილება, ზოგადად გააანალიზეს პრევენციის ეროვნული მექანიზმის უფლებამოსილება, მანდატი და ფუნქციონირების ძლიერი და სუსტი მხარეები.
08 07 2010
2010 წლის 29 ივნისი – 2 ივლისს თბილისში, ევროპის საბჭოსა და ევროკომისიის ერთობლივი პროგრამის „წამების საწინააღმდეგო ეროვნული პრევენციული მექანიზმის აქტიური ქსელის ჩამოყალიბება, თანამოაზრეთა ქსელის საქმიანობა” ფარგლებში გაიმართა მე–2 შეხვედრა საქართველოს პრევენციის ეროვნული მექანიზმის წევრებსა და გაეროს წამების საწინააღმდეგო ქვეკომიტეტის (SPT), ევროპის წამების საწინააღმდეგო კომიტეტის (CPT), აგრეთვე წამების საწინააღმდეგო ასოციაციის (APT) ექსპერტებს შორის.
შეხვედრის მიზანი იყო პროფესიული ცოდნისა და გამოცდილების გაზიარება მონაწილეთა შორის, რათა ადგილობრივ დონეზე გაძლიერდეს წამების პრევენცია და წამების პრევენციის ეროვნული მექანიზმი. ევროსაბჭოსა და ევროკომიის პროგრამის ძირითადი მიმართულებებია: პრევენციის ეროვნულ მექანიზმებს შორის აქტიური თანამშრომლობის ხელშეწყობა, CPT-სა და SPT-ს სამუშაო მეთოდიკისა და სტანდარტების გაცნობა, CPT-სა და SPT-ს ექსპერტებს შორის მჭიდრო თანამშრომლობის ხელშეწყობა.
ღონისძიებაში მონაწილეობდნენ საქართველოს სახალხო დამცველი გიორგი ტუღუში, სახალხო დამცველის მოადგილე ტატა ხუნწარია, სახალხო დამცველის პრევენციისა და მონიტორინგის დეპარტამენტის თანამშრომლები, ევროპის საბჭოს სამართლებრივი მხარდაჭერისა და ადამიანის უფლებათა სფეროში თანამშრომლობის განყოფილების თავმჯდომარე მარკუს იეგერი, პროექტის მრჩეველი, CPT-სა და SPT-ს ყოფილი პრეზიდენტი სილვია კასალე, CPT-ს, SPT-ს და APT–ს როგორც ყოფილი, ასევე მოქმედი წევრები, არასამთავრობო ორგანიზაციების წარმომადგენლები და ადგილობრივი ექსპერტები.
მონაწილეებმა ერთმანეთს გაუზიარეს მონიტორინგის საკუთარი მეთოდოლოგია და სამუშაო გამოცდილება, ზოგადად გააანალიზეს პრევენციის ეროვნული მექანიზმის უფლებამოსილება, მანდატი და ფუნქციონირების ძლიერი და სუსტი მხარეები.
სიახლეების გამოწერა
| © 2010 საქართველოს სახალხო დამცველი. ყველა უფლება დაცულია |
ვებგვერდი დამზადებულია პროექტის „სახალხო დამცველის აპარატის გაძლიერება“ ფარგლებში, რომელიც დაფინანსებულია ევროკავშირის მიერ და ახორციელებს „ჰიუმან დაინამიქსი“. |
 
|