Gürcüstanın Xalq Müdafiəçisi və Xalq Müdafiəçisi yanında mövcud olan Milli Azlıqlar Şurasının bəyanatı

11 Mart, 2022

Rusiya Federasiyasının Ukrayna ərazisinə genişmiqyaslı hərbi aqresyası fonunda Gürcüstan əhalisi arasında Rusiya Federasiyası vətəndaşlarının Gürcüstana hansı məqsədlə gəlməsi ilə bağlı müəyyən qorxu və suallar yaranıb. Sosial şəbəkələrdə də vətəndaşların Rusiya Federasiyasının vətəndaşlarına xidmət göstərilməsi və ya xidmətlərin göstərilməsinə məhdudiyyətlərin dövlət təhlükəsizliyi və beynəlxalq sanksiyaların tətbiqi ilə izah edilməsi çağırışları yayılır.

Mövcud hadisələrin fonunda bu cür müzakirələr ifadə azadlığının bir formasıdır, baxmayaraq ki, müzakirənin təkcə emosiyalar və ya qorxular üzərində deyil, ictimai məlumatlılığa əsaslanması vacibdir, çünki bu, qəti şəkildə qəbuledilməz və təhlükəli olan aqresya asanlıqla nifrət nitqinin və etnik mənsubiyyətin geniş yayılmasına çevrilə bilər.

Gürcüstanın Xalq Müdafiəçisi və Xalq Müdafiəçisi yanında Milli Azlıqlar Şurasının üzvləri insan hüquqlarının kobud şəkildə pozulması üçün əlverişli şərait yaradan ksenofobik ifadələrin təkrar istehsalını yolverilməz hesab edirlər. Bu, gələcəkdə digər etnik və milli qrupların hüquqi statusuna mənfi təsir göstərə bilər. Bu vəziyyətdə hökumətin vaxtında və dəqiq məlumat və ya izahat vermək üçün ictimaiyyətlə əlaqə saxlaması xüsusilə vacibdir.

Buna uyğun olaraq, Gürcüstan hökuməti və müxalifətinin nümayəndələrinə, siyasi partiyalara, media qurumlarına və həmvətənlərimizə, sosial şəbəkə istifadəçilərinə müraciət edərək, cəmiyyətdə məlumatlı diskursları təbliğ etməyə və etnik ayrı-seçkilik hallarının qarşısını almağa çağırırıq.