Վրաստանի Ժողովրդական պաշտպանի և Ժողովրդական պաշտպանին առընթեր ազգային փոքրամասնությունների խորհրդի հայտարարությունը
Ռուսաստանի Դաշնության կողմից Ուկրաինայի տարածքում լայնածավալ ռազմական ագրեսիայի ֆոնին, Վրաստանի բնակչության շրջանում որոշակի մտավախություններ ու հարցեր առաջացան, կապված Ռուսաստանի Դաշնության քաղաքացիների Վրաստան մուտքի նպատակի հետ։ Բացի այդ, սոցիալական ցանցերում տարածվում են նաև քաղաքացիների կոչերը Ռուսաստանի Դաշնության քաղաքացիների համար ծառայությունների մատուցման կամ սպասարկման մատուցման սահմանափակումների անհրաժեշտության մասին, որոնք բացատրվում են պետական անվտանգությամբ և միջազգային պատժամիջոցների կիրառմամբ։
Ընթացիկ իրադարձությունների լույսի ներքո, նման քննարկումները արտահայտվելու ազատության ձև են, թեև կարևոր է, որ քննարկումը հիմնված լինի հանրային իրազեկվածության վրա, այլ ոչ միայն էմոցիաների կամ վախերի վրա, քանի որ այն հեշտությամբ կարող է վերածվել ատելության խոսքի լայն օգտագործման և անձանց էթնիկ նշաններով խտրականության, որը կտրականապես անընդունելի է և վտանգավոր։
Վրաստանի Ժողովրդական պաշտպանը և Ժողովրդական պաշտպանին առընթեր ազգային փոքրամասնությունների խորհրդի անդամներն անթույլատրելի են համարում այլատյաց արտահայտությունների վերարտադրումը, ինչը բարենպաստ միջավայր է ստեղծում մարդու իրավունքների կոպիտ խախտումների համար։ Սա ապագայում կարող է բացասական ազդեցություն ունենալ այլ էթնիկ և ազգային խմբերի իրավական վիճակի վրա: Այս իրավիճակում կառավարության համար հատկապես կարևոր է շփվել հասարակության հետ՝ ժամանակին և ճշգրիտ տվյալներ կամ բացատրություններ տալու համար։
Համապատասխանաբար, մենք դիմում ենք Վրաստանի կառավարության և ընդդիմության ներկայացուցիչներին, քաղաքական կուսակցություններին, լրատվամիջոցներին և մեր համաքաղաքացիներին, սոցիալական ցանցերի օգտատերերին՝ խթանելու իրազեկված դիսկուրսը հասարակության մեջ և կանխելու էթնիկական խտրականության դեպքերը։
- Ագիտ Միրզոև - Ներգրավման և զարգացման կենտրոն
- Զաուր Խալիլով - Քաղաքացիական ինտեգրման կենտրոն
- Մարի Միքոյան - «GENERATION I»
- Մարի Առաքելովա - Վիրահայերի միություն
- Լեյլա Մամեդովա - Վրաստանի ադրբեջանցի երիտասարդների միություն
- Սուսանա Խաչատրյան - Վրաստանի հայ կանանց «Շուշանիկ» միություն
- Ալեքսանդր Բեժենցև - Վրաստանի միջազգային երիտասարդության միություն
- Ալլա Բեժենցտվա - Վրաստանի ռուս կանանց «Յարոսլավնա» միություն
- Ալի Ալիև - «Ավանի» ավարական միություն
- Նոնա Խանգոշվիլի - Համայնքային միություն «Հանուն Պանկիսիի բարօրության»
- Առնոլդ Ստեփանյան - «Բազմազգ Վրաստան» ընդհանուր քաղաքացիական շարժում
- Ռիմա Ղարիբյան - «Բաց սահմաններ»
- Նաիրա Բեպիև - «Կովկասյան խճանկար» միջազգային հասարակությունკა“
- Լիլի Սաֆարովա - Կանանց իրավունքների համայնքային նախաձեռնություն
- Եվգենյա Կոտանիդի - Վրաստանի հույների դաշնություն
- Մարգալիտա Խիդիրբեգիշվիլի - Անդրազգային Վրաստան խաղաղության և միջավայրի պաշտպանության համար
- Էկատերինա Բիտկաշ - «Նինեվիա» ասորական երիտասարդական կազմակերպություն
- Մամուլի Նեշումաշվիլի - «Ուդի»
- Մարիա Ֆիլինա - «Պոլոնիա» միություն
