2015 წლის 22 მაისს მედიით გავრცელებული ინფორმაციის საფუძველზე, საქართველოს სახალხო დამცველმა დაიწყო მოქალაქე ჭ.ჭ-ს საქმის შესწავლა, მის მიმართ გურჯაანის პოლიციის თანამშრომლების მხრიდან განხორციელებულ სავარაუდო უკანონო ქმედებებთან დაკავშირებით.

საკითხის შესწავლის მიზნით, გურჯაანში იმყოფებოდნენ საქართველოს სახალხო დამცველის რწმუნებულები, სადაც შეხვდნენ და ახსნა-განმარტება ჩამოართვეს მოქალაქე ჭ.ჭ-ს და მისი ოჯახის წევრებს. ადგილზე მოხდა საქმისათვის მნიშვნელობის მქონე გარემოებების დოკუმენტირება.

მოპოვებული მტკიცებულებებისა და მიღებული ახსნა-განმარტებების შესწავლის შემდეგ საქართველოს სახალხო დამცველი აღნიშნულ საქმესთან დაკავშირებით მოახდენს შესაბამის რეაგირებას.