2023 թվականի նոյեմբերի 7-ին Վրաստանի Ժողովրդական պաշտպան Լևան Իոսելիանին և Ժողովրդական պաշտպանի առաջին տեղակալ Թամար Գվարամաձեն հանդիպել են Դանիայի Թագավորության արտաքին գործերի նախարարության Եվրոպական հարևանության քաղաքականության վարչության տնօրեն Հենրիկ Ուինսերի և գլխավոր խորհրդական Դորիտ Սքաարուպ Յենսենի հետ։

Հանդիպմանը Լևան Իոսելիանին դանիացի դիվանագետներին ծանոթացրել է Ժողովրդական պաշտպանի գրասենյակի մանդատի ու լիազորությունների շրջանակի, ինչպես նաև միջազգային գործընկերների, ցանցերի և Վրաստանում հավատարմագրված օտարերկրյա պետությունների դիվանագիտական ​​ներկայացուցչությունների հետ համագործակցության ձևերի հետ։ Խոսվել է նաև Վրաստանի եվրաինտեգրման հեռանկարի և Եվրահանձնաժողովի կողմից ակնկալվող գնահատականների մասին։

Կողմերը քննարկել են երկրում մարդու իրավունքների պաշտպանության վիճակը, աղմկահարույց դեպքերը, օկուպացված տարածքներում և օկուպացիոն գծի երկայնքով ապրող մարդկանց ծանր իրավական վիճակը և նոյեմբերի 6-ին Ռուսաստանի օկուպացիոն ուժերի կողմից Վրաստանի քաղաքացու սպանությունը։

Ժողովրդական պաշտպանը շնորհակալություն է հայտնել Դանիայի արտաքին գործերի նախարարությանը՝ Կիրբալ գյուղի մոտ տեղի ունեցած սպանության փաստով Վրաստանին սատարող հայտարարություն տարածելու համար։