Տարածված տեղեկություններով, մարդու իրավունքների պաշտպան Թամար Մեարաղիշվիլին ձերբակալվել է լրտեսության մեղադրանքով և փաստացի դատարանի կողմից դատապարտվել է երկու ամսվա նախնական կալանքի։ Սոցցանցերից նաև պարզ է դառնում, որ ձերբակալվածը հացադուլ է անում։

Թամար Մեարաղիշվիլին, որպես մարդու իրավունքների պաշտպան, տարիներ շարունակ համագործակցել է ինչպես տեղական, այնպես էլ միջազգային լրատվամիջոցների հետ՝ ակտիվորեն խոսելով օկուպացված Ախալգորիի շրջանում առկա խնդիրների մասին, ինչը, ըստ նրա, անցյալում բազմիցս եղել է իր ձերբակալման նախապայման։ Նրանից առգրավվել են անձը հաստատող փաստաթղթերը և արգելվել է լքել օկուպացված տարածքները։

Ժողովրդական պաշտպանը Թամար Մեարաղիշվիլիի ձերբակալությունը գնահատում է որպես մարդու իրավունքների պաշտպանի խոսքի ազատության սահմանափակում և կոչ է անում փաստացի իշխանություններին անհապաղ ազատ արձակել նրան։