2022 թվականի փետրվարի 22-ին, Վրաստանի Ժողովրդական պաշտպան Նինո Լոմջարիան հանդիպել է պաշտոնական այցով Վրաստանում գտնվող Եվրոպայի խորհրդի մարդու իրավունքների հանձնակատար՝ Դունյա Միյատովիչի հետ։

Մարդու իրավունքների հանձնակատարը հետաքրքրվել է երկրում իրավահավասարության տեսանկյունից գոյությունն ունեցող վիճակով, այդ թվում՝ կրոնական փոքրամասնությունների, ինչպես նաև ԼԳԲՏ+ համայնքի անդամների խնդիրներով. Ծանոթացել է աշխատանքային իրավունքների և շրջակա միջավայրի արդի խնդիրների հետ։

Ժողովրդական պաշտպանը Դունյա Միյատովիչին տեղեկատվություն է տրամադրել՝ խոսքի ազատության, լրատվամիջոցների ազատության որակի, լրագրողների և իրավապաշտպանների դեմ վերջին ժամանակներում իրականացրած հանցագործությունների, դրանց ոչ համարժեք հետաքննության և, ընդհանրապես, երկրում արդարադատության թերությունների մասին:

Հանդիպմանը Ժողովրդական պաշտպանը քննարկել է օկուպացված տարածքներում ապրող անձանց մշտական սպառնալիքները, որոնք վկայում են մարդու իրավունքների մոնիտորինգի անհրաժեշտության մասին։ Նա խոսել է տեղահանվածների ծանր վիճակի և նրանց անվտանգ տեղավորման գործընթացի ձգձգումների մասին։

Հանդիպմանը մասնակցել են նաև Ժողովրդական պաշտպանի տեղակալ Գիորգի Բուրջանաձեն և Էկատերինե Սխիլաձեն։