2025 թվականի սեպտեմբերին Ժողովրդական պաշտպանի գրասենյակի իրավահավասարության վարչության ներկայացուցիչները տեղեկատվական հանդիպումներ են անցկացրել Մցխեթա-Մթիանեթի, Ռաճա-Լեչխումի և Քվեմո Սվանեթի մարզերում: Միջոցառումներին մասնակցել են Մցխեթա, Դուշեթի, Թիանեթի, Ղազբեգի, Ցագերի, Լենտեխի, Օնի և Ամբրոլաուրի մունիցիպալիտետների քաղաքապետարանի և սակրեբուլոյի աշխատակիցներ, ինչպես նաև մունիցիպալիտետին ենթակա ոչ արտադրական (ոչ առևտրային) իրավաբանական անձանց ներկայացուցիչներ: Տեղեկատվական հանդիպումների նպատակն էր խրախուսել տեղական ինքնակառավարման մարմիններին ավելի ակտիվորեն համապատասխանեցնել իրենց գործունեությունը իրավահավասարության և խտրականության արգելքի սկզբունքներին: Մասնակիցները տեղեկատվություն են ստացել իրավահավասարության ոլորտում Ժողովրդական պաշտպանին տրված լիազորությունների մասին: Հատուկ ուշադրություն է դարձվել սեռական ոտնձգության թեմային, այդ թվում՝ հասարակությունում տարածված կարծրատիպերին, սեռական ոտնձգության օրենսդրական սահմանմանը և համապատասխան գործնական օրինակներին:

Ժողովրդական պաշտպանի գրասենյակը նման իրազեկման միջոցառումները համարում է առաջնահերթ նշանակություն ունեցող երկրում իրավահավասարության առումով առկա իրավիճակը բարելավելու համար և շարունակում է անցկացնել տարբեր խմբերի վրա կենտրոնացած կրթական միջոցառումներ: