2025 թվականի հուլիսի 25-ին Վրաստանի Ժողովրդական պաշտպան Լևան Իոսելիանին Բաթումում հանդիպեց Թուրքիայի Հանրապետության գլխավոր օմբուդսմեն Մեհմեթ Ակարջայի և թուրքական պատվիրակության այլ ներկայացուցիչների հետ։

Հանդիպման ժամանակ Լևան Իոսելիանին և Մեհմեթ Ակարջան քննարկեցին տարածաշրջանում մարդու իրավունքների պաշտպանության առումով ստեղծված իրավիճակը, ընդգծեցին երկու երկրների մարդու իրավունքների ինստիտուտների միջև երկարատև համագործակցությունը և հայտնեցին իրենց պատրաստակամությունը շարունակել այդ հարաբերությունները։

Վրաստանի և Թուրքիայի օմբուդսմենները տարիներ շարունակ արդյունավետ համագործակցում են քրեակատարողական համակարգում ժամանակակից տեխնոլոգիաների ներդրման, արտահանձնման գործընթացի բարելավման, միգրանտների իրավունքների պաշտպանության և այլ ոլորտներում։