Մարդու իրավունքների պաշտպանի հայտարարությունը Մառնեուլիի իրադարձությունների կապակցությամբ
Մարդու իրավունքների պաշտպանի աշխատակազմը ուշադիր հետեւում է Մառնեուլիում ընթացող իրադարձություններին: Աշխատակազմի աշխատակիցները մեկնում են դեպքի վայր՝ իրավիճակը մանրամասն ուսումնասիրելու համար ։
Ըստ մեր մոտ առկա նախնական տեղեկությունների, ֆիզիկական բռնության են ենթարկվել մի քանի անձինք, այդ թվում՝ Մոնիտորինգի կազմակերպության ներկայացուցիչ Գեորգի Մումլաձեն և լրատվամիջոցների ներկայացուցիչներ (հեռուստաընկերություն «Մթավարի», Հանրային հեռարձակող):
Ներքին գործերի նախարարության հետ նախնական հաղորդակցության համաձայն՝ հետաքննություն է սկսվել լրագրողական գործունեությունը խոչընդոտելու և բռնություն գործադրելու մեղադրանքներով:
Հուսով ենք, որ հետաքննությունը շուտափույթ կիրականացվի, և արագորեն կբացահայտվեն պատասխանատուները: Սա կլինի կարևոր նախապայման հասարակական կարգի ապահովման և խաղաղ ընտրությունների համար:
