2020 թվականի նոյեմբերի 16-ին Վրաստանի մարդու իրավունքների պաշտպանը ավանդաբար նշեց հանդուրժողականության միջազգային օրը:

Այս օրը մարդու իրավունքների պաշտպանին առընթեր ազգային փոքրամասնությունների և կրոնների խորհուրդներն ամեն տարի ընտրում են հանդուրժողականության աջակիցներին՝ անհատին, կազմակերպությանը, լրատվամիջոցին և պետական պաշտոնյաին, ովքեր խթանել են էթնիկական և կրոնական փոքրամասնությունների իրավունքները և հանդուրժողականության մշակույթ են խթանել:

Ավանդաբար, խորհուրդներն այս տարի նույնպես պարգևատրեցին 2020 թ. «Հանդուրժողականության աջակիցներին»:

Ազգային փոքրամասնությունների խորհուրդը պարգևատրեց.

Անձը նոմինացիայում՝ գրող Դաթո Տուրաշվիլին։

Դավիթ Գարեջիի հրապարակային ելույթներում հնչած ճիշտ դիրքորոշումն ու վերաբերմունքը վրաց-ադրբեջանական, վրաց-աբխազական և վրաց-օսական հարաբերությունների և այլ էթնիկ խմբերի վերաբերյալ:

Կազմակերպություն նոմինացիայում՝ Ազգային փոքրամասնությունների խորհուրդը բացահայտեց երկու հաղթողի.

Կանանց հիմնադրամը Վրաստանում - կազմակերպությունը երկար տարիներ աջակցում է էթնիկ փոքրամասնությունների կանանց կազմակերպություններին տարբեր նախագծերի իրականացման գործում,

Թբիլիսիի Իվանե Ջավախիշվիլիի անվան պետական համալսարանի վրաց-օսական հարաբերությունների գիտահետազոտական կենտրոն

Կենտրոնն իր հիմնադրման օրվանից կազմակերպում է վրաց-օսական մշակութային- լուսավորչական-գիտական և կրթական կոնֆերանսներ: Կենտրոնն իր գործունեությամբ զգալի ավանդ է ներդնում վրաց-օսական հարաբերությունների զարգացման, գործի առաջխաղացման եւ միջազգային կապերի վերականգնման գործում, այդ առումով նրա անալոգը չկա:

Լրատվամիջոցը նոմինացիայում՝ - «Թեսեա» հեռուստասերիալ:

«Ֆորմուլա կրեատիվ»–ի ստեղծագործական թիմի «Թեսեա»-ն անդրադառնում է հասարակության վիճահարույց թեմաներին և ցույց է տալիս փակ հասարակությունում ստեղծված պատրանքային խաղաղության խնդիրը: Հիմնական թեմաներից են վաղաժամ ամուսնության խնդիրները, կրոնի և ավանդույթների ազդեցությունը հասարակության վրա, պետական ապարատի և հասարակության կողմից ստեղծագործական ազատության ճնշումը, բացառման վախը և այլ արդիական խնդիրներ:

Պետական ծառայող նոմինացիայում՝ Թինաթին Խողելիանին, Վրաստանի հաշտեցման և քաղաքացիական հավասարության պետական գրասենյակի քաղաքացիական հավասարության վարչության պետ: Նրա անմիջական մասնակցությամբ մշակվեց քաղաքացիական ինտեգրման ուղղակի ռազմավարություն, նա օբյեկտիվ, սկզբունքային, հանդուրժող և նվիրված պետական ծառայող է, որը առավելագույնս ձգտում է խթանել քաղաքացիական ինտեգրումը:

Հանդուրժողականության և ազգամիջյան հարաբերություններում ունեցած ներդրման համար «Հանդուրժողականության աջակից» կոչումը շնորհվեց նաև մարդու իրավունքների պաշտպանին առընթեր ազգային փոքրամասնությունների խորհրդի պատվավոր անդամներին՝ Մարիա Ֆիլինային և Նաիրա Բեպիևաին:

Մարիա Ֆիլինա - Թբիլիսիի Իվանե Ջավախիշվիլիի անվան պետական համալսարանի պրոֆեսոր:

Մարիա Ֆիլինան երկար տարիներ ուսումնասիրում է վրաց-լեհական և վրաց-ռուսական գրական կապերն ու լեհական ժառանգությունը Վրաստանում և ամբողջ Կովկասում: 1995 թ Մարիա Ֆիլինան հիմնադրել է Վրաստանի լեհերի «Պոլոնիա» մշակութային- լուսավորչական միությունը, որի նախագահն է նա:

Նաիրա Բեպիևա - բանասիրական գիտությունների դոկտոր, պրոֆեսոր, Թբիլիսիի Իվանե Ջավախիշվիլիի անվան պետական համալսարանի վրաց-օսական հարաբերությունների գիտահետազոտական կենտրոնի ղեկավար: Հանրային հեռարձակողի ազգային "Մոամբե" - ի խմբագիր: Պետական լեզվի ամբիոնի փորձագիտական խորհրդի անդամ:

Նաիրա Բեպիեան վրաց-օսական բազմաթիվ դասագրքերի հեղինակ է: Նա տարիներ շարունակ նպաստում է վրացիների և օսերի միջեւ կրթամշակութային եւ խաղաղ հարաբերությունների վերականգնմանը:

Կրոնների խորհուրդը պարգևատրեց.

Մարիամ Ղավթաձե - Հանդուրժողականության և բազմազանության ինստիտուտի (TDI) իրավաբանական վարչության պետ: Անցած տարիներին և ընթացիկ ժամանակահատվածում Վրաստանում և միջազգային ասպարեզում կրոնական ազատության ակտիվ և արդյունավետ պաշտպանության համար:

Մարիամ Չիկոբավա - կրթության, գիտության, մշակույթի և սպորտի նախարարություն: Նախադպրոցական և հանրակրթության վարչության վարիչի տեղակալ: Պարգևատրվել է դպրոցական ուսումնական ծրագրերում և դասագրքերում կրոնական բազմազանության համապարփակ և ոչ խտրական արտացոլման խնամքի համար և հանդուրժողականության հարցերում համագործակցության համար:

Konrad Adenauer Foundation - ընթացիկ և անցած տարիներին կրթության, ինչպես նաեւ բանավեճի միջոցով կրոնական բազմազանության և հանդուրժող միջավայր զարգացնելու համար.

«Սաբա» ամսագիրը - վրաց կաթոլիկ ամսական տեղեկագիրը, չնայած դավանաբանական բնույթին, կրոնական բազմազանության հանդուրժողական տեսանկյունի իր մշտական արտացոլման համար: