Սեռական բռնության դեմ 16-օրյա արշավի շրջանակներում Վրաստանի Ժողովրդական պաշտպանի գրասենյակի գենդերային և տարածաշրջանային բաժինների ներկայացուցիչները տեղեկատվական հանդիպումներ են անցկացրել Ռաճա-Լեչխումի և Քվեմո Սվանեթի, Մցխեթա-Մթիանեթի, Քվեմո Քարթլի, Շիդա Քարթլի և Կախեթի տարածաշրջանների կրթության, առողջապահության, սոցիալական ծառայությունների և ինքնակառավարման մարմինների ներկայացուցիչների համար։

Ժողովրդական պաշտպանի ներկայացուցիչները քննարկել են երկրում կանանց և ընտանեկան բռնության, ինչպես նաև մանկական ամուսնությունների առջև ծառացած մարտահրավերները և ներկայացրել են Ժողովրդական պաշտպանի գրասենյակի մանդատը, գործունեությունն ու առաջարկությունները այս ուղղությամբ։

Հանդիպման մասնակիցները խոսել են տարածաշրջանում առկա իրավիճակի, բռնությունից պաշտպանության մեխանիզմների մատչելիության բարձրացման և ապագա համագործակցության մասին։