Ժողովրդական պաշտպանն իր աջակցությունն է հայտնում համաներման օրինագծերին
Վրաստանի խորհրդարանում այժմ քննարկվում է Միխեիլ Սարջվելաձեի նախաձեռնած համաներման մասին օրենքի նախագիծը։ Համաներման մասին օրենքի նախագծի այլընտրանքային տարբերակը Վրաստանի խորհրդարանին կներկայացնի նաև «Լելո» կուսակցությունը։ Վրաստանի Ժողովրդական պաշտպանը ողջունում է այս նախաձեռնությունները և հուսով է, որ խորհրդարանը կարճ ժամանակահատվածում կքննարկի և կհաստատի համաներման օրենքը, որը կովիդ-համավարակի ժամանակաշրջանում կընդգրկի քրեակատարողական համակարգում գտնվող հնարավորինս շատ բանտարկյալների և կհամապատասխանի քրեական արդարադատության հիմնարար սկզբունքներին և տուժածների նկատմամբ պետության դրական պատասխանատվություններին։
Կովիդ համավարակի տարածման սկզբից, Ժողովրդական պաշտպանն ակտիվորեն կոչ էր անում պետությանը օգտագործել բոլոր հնարավոր մեխանիզմները՝ ազատազրկման վայրերում գտնվող անձանց թվի կրճատման համար։ Թեև 2020 թվականին աճել է մի շարք զիջումների օգտագործման տեմպերը (օրինակ՝ պատժի չկրած մասը պատժի ավելի թեթև ձևով փոխարինելու վիճակագրությունը), 2020 թվականին պայմանական վաղաժամկետ ազատման մակարդակը նվազել է։ Ժողովրդական պաշտպանը հույս ունի, որ Վրաստանի խորհրդարանը համավարակի պայմաններում հաշվի կառնի բանտարկյալների իրավունքների լրացուցիչ սահմանափակման խստությունը և հնարավորինս կփոխհատուցի բանտարկյալների վիճակը նշված համաներմամբ։
